O filme 11:20 AM alzouse co premio do FIC Verín

O Vía XIV Festival Internacional de Curtas de Verín, fechaba as súas portas este sábado coa entrega dos galardóns das súas sete categorías a corcurso. O filme 11:20 AM do grego Dimitris Nakos resultou gañador na categoría oficial Horizontes. Na sección A Raia a curta foi Raticide, do portugués João Niza, mentres na categoría Nova a mellor peza foi One Minute, de Matilde Sköld e Markus Svanberg (Suecia).

A sección infantil, que se estreaba este ano tivo como gañadora Papirola, un traballo de Fabián Molinaro. O premio especial do público recaeu no título El Bus, da española Sandra Reina. O xurado fixo tamén unha mención ao film Ice Merchants, de João González dentro da categoría A Raia.

Tamén en Bueu o Festival Internacional de Curtas fixo público o seu palmarés. Endless Sea, do director estadounidense Sam Shainberg, foi escolleita como filme gañador da sección oficial, cun premio de 2.000 euros. O xurado recoñeceu "a crúa enerxía, a súa desafiante produción, a súa magnética interpretación principal e un benvido toque de humor negro". O segundo premio nesta categoría foi para Ma mére et moi, da holandesa Emma Branderhorst.

A mellor curtametraxe galega a concurso foi Ulises, do rianxeiro Félix Brixel, mentres Arquitectura emocional 1959, do director cántabro León Siminiani, levou o premio á mellor curta española.Pola súa banda, o público do festival seleccionou o traballo canadense Invincible de Vincent René-Lortie para o seu galardón.

Canda a estes, 30' 70 60' 120, da directora viguesa Marta Valverde, fíxose co galardón na categoría GZ_00, mentres na sección Descubertas impúxose Buurman Abdi, do holandés Douwe Dijkstra. Finalmente, no apartado Escolas Internacionais, o Festival recoñeceu a película italiana Raíces, do Centro Sperimentale di Cinematografia realizado por Sara Moschini, Maddalena Brozzi e Laura Cagnoni.