A cultura galega lamenta o pasamento de Xoán Xosé Fernández Abella

Diferentes entidades culturais do país lamentaron o pasamento do escritor Xosé Fernández Abella, quen faleceu en Compostela este 17 de agosto ao 89 anos de idade. O traballo literario do autor centrouse no eido da poesía, no que debutou en 1957 e no que asinou obras como Poemas galegos (1972), Escolma de poemas (1990), Poemas estradenses e catorce poemas máis (2005) ou Poemas de amor, loanza, condena e outros (2011).

Fernández Abella, nado en Monforte, desenvolveu un intenso labor de activismo cultural, a participar en entidades como a Universidade Popular de Ortigueira, a SAF (Sociedade de Artistas Ferroláns), a AELG (Asociación de Escritoras e Escritores en Lingua Galega), a Fundación Castelao, a Fundación Alexandre Bóveda, ou Museo do Pobo Galego entre outras. O seu corpo foi soterrado no cemiterio de Ortigueira, onde exerceu de mestre durante quince anos, este venres 18 de agosto.