Henrique Neira. Fonte: Web do autor.
A XXVII edición do Premio Vicente Risco de Ciencias Sociais foi para o xornalista e investigador Henrique Neira. O xurado do galardón que convoca a Fundación Risco recoñeceu o seu traballo Do aritmómetro á computación cuántica. Como as máquinas de cálculo, informáticas, robóticas e de comunicación transformaron Galicia nun século e medio. O premio conta cunha dotación económica de 6.000 euros.
O xurado destacou que a obra repasa "unha historia que aposta pola modernidade e polo futuro dende Galicia. Unha panorámica da contribución das galegas e galegos ao avance das máquinas calculadoras, da programación informática, da robótica, dos satélites e da intelixencia artificial, todo isto encadrelado con abondosas referencias literarias".
Teresa Devesa, Xaquín Vázquez, Carmen Villarino, Xosé Henrique Costas e Isabel Mociño foron os responsables da selección, e destacaron a alta calidade dos dez traballos presentados ao certame. O xurado outorgoulle tamén un accésit a obra Sobreviver na palabra escrita á trajectória.
