A importancia patrimonial das pesqueiras, caneiros ou pescos no noso país é o eixe de “A pesca fluvial en Galicia”, obra coa que Xosé Lois Ladra gañaba sábado o VIII Premio Vicente Risco de Ciencias Sociais. O xurado valorou o enfoque multidisciplinar da obra e a súa orixinalidade temática, xa que é a primeira vez que se tratan en conxunto as comunidades pesqueira de Herbón, Portomarín e Arbo, onde son habituais este tipo de construción. A obra verá a luz proximamente da man da editora Sotelo Blanco, e o gañador recibirá seis mil euros de premio.
