A historiadora Ana Romero Masiá é a nova directora do Instituto Cornide

O Instituto de Estudos Coruñeses José Cornide, dependente do concello, era a institución que reunía os investigadores do pasado da cidade, pero estaba nunha situación crítica. Sen dirección desde hai dous anos e medio e con só oito membros dos vintecinco previstos polos institutos, xa que foran falecendo. A situación pode mudar a partir do nomeamento da catedrática de Historia xubilada Ana Romero Masiá como nova directora da entidade. Será ela a encargada de buscar novos membros que renoven a institución así como dinamizar os seus proxectos, tanto a xestión dos importantes fondos documentais que atesoura a entidade como as publicacións e novas iniciativas. Ana Romero Masiá é unha recoñecida investigadora, responsable da intervención nun castro emblemático da Idade do Ferro como é Borneiro (Cabana de Bergantiños) pero tamén investigadora do pasado contemporáneo da cidade coruñesa e, especialmente, das mulleres.