Retrato de Galo Salinas (1914). Fondo Carré. Real Academia Galega
O Ateneo Fernán Martís de Pontedeume, en colaboración co Colectivo Terra e o concello, conmemorará mañá 17 de maio en Pontedeume o 650 aniversario da tradución do francés ao galego da Crónica Troiana, realizada polo capelán dos Andrade Fernán Martís. Farao a través dun peculiar roteiro cívico, que percorrerá as rúas da vila eumesa na procura de diferentes fitos da literatura e da cultura galegas levados a cabo en cada punto. Deste xeito, gabaranse as figuras de Isabel de Castro e Andrade, Xohana Torres, Galo Salinas, Uxío Novoneyra, Couceiro Freijomil, Ramón Regueira, Ramiro Fonte e Luís Pimentel. Todos estes artistas estiveron vinculados por motivos residenciais, laborais, ou mesmo vacacionais á vila. Para gabalos, o cortexo irá parando en diferentes puntos, onde destacadas figuras das nosas letras gabaran personaxes e obras. Deste xeito Carmen Blanco, Anxo Angueira, Manuel Ferreiro, Emma Pedreira, María Barcala, Miguel Anxo Seixas, Lois Diéguez, Suso de toro e Claudio Rodríguez Fer serán os encargados de explicar a relevancia de cada autor reseñado. Os actos comezarán ás 12 da mañá nos xardíns de Lombardero.
