A obra "Medo me dá!", de Ramón Domínguez Veiga, ven de gañar a segunda edición do Premio Anisia Miranda de Teatro para a Infancia, convocado pola Fundación Xose Neira Vilas. Segundo o xurado, "Medo me dá!" presenta "unha excelente construción dramática realizada con gran axilidade nos diálogos, dotada dun sentido do humor que, en todo momento, fixa o desenvolvemento da trama teatral". Así o salientou o xurado, composto polos membros do Padroado da Fundación Xosé Neira Vilas Pilar Sampedro e Miguel Anxo Fernán-Vello, xunto con poeta e dramaturgo Xosé Luna. O Premio Anisia Miranda, que conta co apoio da Dirección Xeral de Cultura da Xunta de Galicia, busca estimular a creación teatral e procurar textos que poidan ser representados por nenos e nenas. Está dotado con 1.000 euros.
Ramón Domínguez Veiga (Ferrol, 1970) xa fora galardoado en 2021 co Premio Arume de Poesía para a Infancia, que convoca tamén a Fundación Xosé Neira Vilas en colaboración con Deleite e GÁLIX, pola obra Violeta Parapluie. Domínguez é autor de literatura infantil e narrativa adulta, así como de banda deseñada. A entrega do premio Anisia Miranda constitúe o acto central co que a Fundación Xosé Neira Vilas celebrará o Día das Letras Galegas, o vindeiro 17 de maio. Haberá, ademais, un recordo para Francisco Fernández del Riego. Con este motivo farase unha lectura pública dalgunha das cartas que se intercambiou con Neira Vilas, e que foron publicadas pola editorial Galaxia en 2013 no volume Cartas e lembranzas. Epistolario con Francisco Fernández del Riego (1959-2007). O acto rematará coa actuación do grupo de musica tradicional Raiola, integrada na Asociación Mestre Gacio de Boqueixón.
Ramón Domínguez Veiga (Ferrol, 1970) xa fora galardoado en 2021 co Premio Arume de Poesía para a Infancia, que convoca tamén a Fundación Xosé Neira Vilas en colaboración con Deleite e GÁLIX, pola obra Violeta Parapluie. Domínguez é autor de literatura infantil e narrativa adulta, así como de banda deseñada. A entrega do premio Anisia Miranda constitúe o acto central co que a Fundación Xosé Neira Vilas celebrará o Día das Letras Galegas, o vindeiro 17 de maio. Haberá, ademais, un recordo para Francisco Fernández del Riego. Con este motivo farase unha lectura pública dalgunha das cartas que se intercambiou con Neira Vilas, e que foron publicadas pola editorial Galaxia en 2013 no volume Cartas e lembranzas. Epistolario con Francisco Fernández del Riego (1959-2007). O acto rematará coa actuación do grupo de musica tradicional Raiola, integrada na Asociación Mestre Gacio de Boqueixón.