A obra, segundo o fallo do xurado "destaca por unha coidada proposta teatral, na que salienta o tratamento do absurdo e a caracterización dos personaxes a partir de valores como a amizade, a cuestión de xénero e a identidade". Ademais, presenta "un alto valor literario" a propor unha historia que "parte dunha situación moi teatral para pór en escena unha peza que se vai desenvolvendo cara o absurdo".
O xurado do galardón, dotado con 1.000 euros, estivo composto por Dolores Vilavedra, Pilar Sampedro e Miguel Anxo Fernán Vello. O acto de entrega do galardón celebrarase o vindeiro domingo 27 de marzo na sede da Fundación Xosé Neira Vilas en Gres (Vila de Cruces), ás 17.30 horas.
