A Deputación de Pontevedra presentou o venres a convocatoria do galardón "Hai unha voz", destinado a "distinguir traxectorias de mulleres no eido da literatura galega durante o ano 2022". A iniciativa, realizada en colaboración coa asociación Clásicas e Modernas, distinguirá entre as escritoras, editoras e profesionais do sector do libro e están dotados con 5.000 euros cada un. As candidaturas poden ser presentadas entre o 25 de abril e o 24 de maio e súmanse a outros premios outorgados pola Deputación como "Mulleres en Foco", destinadas ao audiovisual. As candidaturas poderán formulalas "as integrantes da Comisión de Seguimento do Manifesto de Soutomaior e as entidades locais, culturais ou profesionais de ámbito galego que estean relacionadas co sector literario".
