José Malvárez debuta na BD profesional con Incoloro

Xerais suma ao seu catálogo un novo título de banda deseñada. Incoloro supón o traballo de debut cunha editora profesional de José Malvárez. O antigo alumno de O Garaxe Hermético presenta unha historia de fantasía en 88 páxinas. Na mesma, explica o conflito entre os sangue vermello e os sangue branco nas terras de Aórtica, que se verá alterado pola chegada dunha rapaza e unha antiga profecía.

Pola súa banda, a editorial Fandogamia publicou El duelo, de Paula Cheshire, unha obra de 136 páxinas a cor na que na autora pontevedresa narra o dó polo falecemento da súa nai. Desde Chessy presentan La gran partida, unha obra na que Felipe Bueno presenta o encontro dos tres mellores axedrecistas do mundo na corte de Felipe II en 1575.

En Astiberri, Martín Romero acaba de publicar o álbum Uxío e amigos, obra que continúa a historia do personaxes de Uxío, co que autor o Premio Castelao da Deputación da Coruña na categoría infantil. A obra, de 64 páxinas e con edición en galego, amplía o universo do protagonista a lle dar máis espazo ás súas amizades.

Finalmente, Siete Islas presenta Chico! Los que van detrás de la fila, unha obra na que Pablo Carreira presenta en 152 páxinas as vivencias dun grupo de amigos na escola e a descuberta das súas sexualidades e identidades. O volume parte dunha serie baseada nas propias vivencias do autor e que conta con dous volumes previos.