O colexio Juan Rey de Lourenzá acolleu este 6 de marzo a presentación da Primavera das Letras. O espazo virtual que a Real Academia Galega dedica ao público infantil con ocasión do 17 de maio achega desta volta aos centros de ensino a obra teatral As cousas de don Paco.
Con esta proposta a RAG pretende que o alumnado lea e represente este texto dramático escrito por Eva Mejuto e ilustrado por Lucía Cobo. No mesmo as autoras repasan en tres actos a biografía de Francisco Fernández del Riego, homenaxeado nesta edición.
Canda a isto, o web achega actividades interactivos para diferentes idades arredor do protagonista destas Letras Galegas que se irán ampliando ao longo dos vindeiros meses. Tamén conta con marcapáxinas e chapas descargables coa imaxe do autor, vídeos con entrevistas históricas ao mesmo e mais a curtametraxe Historia da nosa lingua guapa. Dentro das actividades para escolas RAG convocará ademais o certame Contádenos o voso Día das Letras, como cada ano.
