Imaxe da rehabilitación do Estaleiro do Ciprián. Fonte: Concello de Outes
O Concello de Outes inaugura este sábado 4 de febreiro a musealización da Estaleiro de Ciprián. Esta carpintaría de ribeira instalada na enseada de Broña acolle agora un espazo de información turística, un almacén e unha exposición permanente sobre este oficio. O proxecto de rehabilitación e adaptación foi financiado polo Grupo de Acción Local e Pesqueira Costa Sostible e o propio concello, cun investimento total de 550.000 euros.
Os arquitectos Iago Fernández e Óscar Fuertes encargáronse dun deseño que reutilizou pezas orixinais do conxunto como as cerchas da cuberta ou as táboas do cerramento do obradoiro. Para alén de rehabilitar a nave principal e as ramplas de acceso, as obras incluíron a habilitación de novos espazos no recinto.
Está previsto que o Estaleiro abra durante as fins de semana e para visitas concertadas ao longo do ano e a diario na temporada de verán. Para alén do seu uso turístico, o Concello prevé que as instalación manteñan tamén o seu uso tradicional e se empreguen para a fabricación de novos barcos.
