Un Murguía retratado desde a proximidade do salón

Obdulia e Purificación Helena Carré pasaron a máquina os orixinais da primeira parte dunha biografía moi singular: a escrita polo seu pai, Lois Carré, de quen fora o seu mentor Manuel Murguía. O historiador e primeiro presidente da Real Academia Galega pasaba con frecuencia pola casa coruñésa dos Carré. Uxío Carré, pai de Lois, era propietario da libraría na que se celebraba a famosa tertulia A Cova Céltica. Iso propiciou que Lois Carré escribira a biografía a partir dunha visión de primeira man de quen foi unha das figuras claves do Rexurxdimento. A biografía está incompleta. O mecanoscrito abrangue desde o nacemento de Murguía en 1833 ata 1882, ao final da súa etapa en Madrid. O libro está interrompido por mor do falecemento de Lois Carré. A edición do libro estará a cargo de Esther García de Lucas e a profesora da UDC Olivia Rodríguez e será editada por Alvarellos.