Portada no número 2 da revista Táboas
A revista Táboas, editada pola promotora cultural Ainé, acaba de sacar á rúa o seu número 2. Nel abordan de xeito amplo varias producións vinculadas á produtora, como Recortes, sobre o fútbol, Continente María, que percorre a vida da actriz María Casares ou Fariña, o espectáculo teatral. A través da coidada edición da publicación, accedemos a entrevistas a especialistas na vida de María Casares como María Lopo, ou ao xornalista Nacho Carretero, xunto con outros contidos. Proximamente a revista subirase á rede para o seu acceso gratuíto.
