Santiago de Compostela acollía este 11 de xaneiro a presentación da entrega 104 de Erregueté. A Revista Galega de Teatro achega neste novo número artigos sobre unha vintena de espectáculos estreados no segundo semestres de 2022.
A publicación presta atención á danza con textos sobre as coproducións do Centro Coreográfico e o festival Cartografía en Movemento de Lugo ou á ópera con contidos sobre Loba branca de Brais González e Papagena de Iago Hermo. Na sección de Monicreques e teatro de obxectos un texto repasa o festival Titiriberia e outro dá conta do 40 aniversario do teatro de títeres en Galicia.
Outros contidos que se poden atopar na publicación son un artigo sobre Roberto Vidal Bolaño, o proxecto Nós /Nous ou análises da programación de Vigocultura, do FIOT de Carballo, ou a escena galega no festival de Almagro. O número tamén inclúe recensións de diferentes publicacións ou unha crónica do encontro que se celebrou na última MIT Ribadavia sobre o teatro interxeracional.
Outros contidos que se poden atopar na publicación son un artigo sobre Roberto Vidal Bolaño, o proxecto Nós /Nous ou análises da programación de Vigocultura, do FIOT de Carballo, ou a escena galega no festival de Almagro. O número tamén inclúe recensións de diferentes publicacións ou unha crónica do encontro que se celebrou na última MIT Ribadavia sobre o teatro interxeracional.
