Morre Rogelio Groba, o músico que ancheou os camiños

O músico e compositor Rogelio Groba faleceu onte na Coruña aos 92 anos de idade. O artista, dunha estensísima obra musical na que abordou todo tipo de xéneros e unha longa actividade como docente de varias xeracións e director de formacións musicais, deixou escritas máis de 700 obras. Entre elas, moitas dedicadas a Galicia, incluíndo cantatas, sinfonías, óperas, ballets, requiems ou concertos. Groba foi director da Banda-Orquestra Municipal de A Coruña, fundador da orquestra do Conservatorio de Música de A Coruña e a Orquestra de Cámara Municipal, e fundou outros conservatorios por toda Galicia. O músico recibiu numerosas distincións e premios pola súa actividade e compromiso musical, entre as que destacan as máximas condecoracións autonómicas. En Ponteareas celébrase anualmente o Festival Groba, combinando estreas do autor con outros concertos de coñecidos compositores internacionais.