O II Festival Groba reunirá concertos e clases maxistrais en Ponteareas

O Concello de Ponteareas acollerá a segunda edición do Festival Groba de música. Recoñecidos intérpretes de música clásica coma os violinistas Guillermo Figueroa e Mayu Kishima, ou os pianistas Ricardo Blanco, Yedam Kim e Arturo Rúa, entre outrs moitos ofrecerán concertos gratuítos. A orquestra residente será a Orquestra de Cámara Galega, dirixida por Rogelio Groba (fillo). Pero o que distingue a este festival son os obradoiros e as clases maxistrais gratuítas que complementan a oferta de representacións musicais. Aínda que as prazas están cubertas, pódese inscribir a través do sitio web oficial.