Falece o pintor vigués Santiago Montes

O pintor vigués Santiago Montes morreu este 13 de novembro aos 83 anos de idade. De formación autodidacta, unha obra súa inaugurou a colección do MARCO en 2018, a coincidir coa exposición retrospectiva Rara Avis que se lle dedicou neste museo. Ademais de neste centro, ten obras en espazos coma o Museo Quiñones de León ou a Colección Afundación.

De formación fundamentalmente autodidacta, Montes pasou dun estilo postimpresionista a propostas máis abstractas. Cunha grande habilidade para o debuxo, dedicou boa parte da súa carreira a dar clases de pintura na Cidade Olívica, onde está a ser moi recordado.