A conservación e a arqueoloxía centran a actividade do Quiñones de León para o 2008

O Museo Quiñones de León de Vigo acaba de dar a coñecer a súa programación para este ano. Unha actividade que está volcada nas dúas áreas de actividade: a arqueoloxía e a conservación. Para iso, o museo anunciou a convocatoria de varias bolsas de formación e de catro exposicións temporais. As mostras achegarán ata o centro vigués unha homenaxe ao pintor Urbano Lugrís, carteis de Picasso e de Miró, así como unha escolma dos avances técnicos dos romanos nas obras de infraestructura civil no seu tempo.