Luís Collarte. Fonte: Vía Construcción.
O arquitecto ourensán Luís Collarte faleceu este 17 de outubro aos 62 de idade. Collarte era coñecido por ter sido autor de construcións emblemáticas na Coruña, como o recinto Expocoruña e a reordenación da Mariña nesta urbe. Ademais, collarte participou dos equipos que deseñaron a fachada da Domus e o Museo de Belas Artes. Fóra da cidade, asinou traballos como a rehabilitación do mosteiro de Acibeiro ou o Pazo da Cultura de Carballo.
Formado na Escola de Arquitectura da Coruña, Collarte desenvolveu o groso da súa obra no noso país e no norte da Península, aínda que abriu unha delegación do seu estudio en Perú a comezos dos 2000.
