Unha obra "que supera o marco da arquitectura para propor cuestións que transcenden eras e fronteiras" valeulle ao arquitecto xaponés Arata Isozaki ser galardoado co prestixioso Premio Pritzker neste 2019. Entre estes traballos, Isozaki é autor de obras recoñecidas no noso país como é o deseño da icónica fachada do museo Domus da Coruña. Ademais, foi o encargado da remodelación da Finca Simeón de Vista Alegre, Compostela, onde proxectou tamén o Centro de Estudos Avanzados da Universidade de Santiago. O premio conta cunha dotación en metálico de 100.000 dólares.
