Dimite o director do Museo da Prehistoria de Vilalba

O arqueólogo Eduardo Ramil Rego presentou a dimisión como director do Museo de Prehistoria e Arqueoloxía de Vilalba, dependente do concello de Vilalba a través do patronato. Segundo Ramil Rego, o seu traballo "reducíase ás tarefas cotiás de xestión e administración de coleccións, dada a imposibilidade de realizar outras actividades porque a presidenta do Patronato, a alcaldesa Elba Veleiro, non convocaba xuntanzas para realizar unha programación e aprobar os orzamentos".