Ilustración do castelo de Vimianzo a cargo de Rubén Rial.
Hoxe pola mañá arrincou un novo web que ten por obxecto dar a coñecer o "patrimonio fortificado" da provincia da Coruña, aínda que o seu título é FOREGA: Fortalezas do Reino de Galicia. O web presenta información, mapas e galerías de imaxes de 16 castelos medievais e 15 fortalezas modernas, que funcionan a xeito de escolma accesible e visitable do abundante patrimonio fortificado da provincia. O web ofrece tamén catro roteiros organizados de xeito territorial para coñecer este patrimonio. O proxecto foi unha das iniciativas premiadas polo "Fondo de Proxectos Culturais do Reino de Galicia 2021-2022" da Deputación da Coruña.
