A compañÃa Butaca Zero está xa estes dÃas a ensaiar en Rianxo a que será a súa vindeira estrea: Papagena. Esta montaxe é unha ópera electrónica cuxa música e libreto están asinados polo rianxeiro Iago Hermo e que xorde a partir da figura da personaxe homónima da Frauta Máxica de Wolfgang Amadeus Mozart. Papagena é un proxecto que nace do interese de Hermo de levar ópera por vilas e lugares onde a ópera non ten presenza e para conseguilo deseñou unha pequena peza de instrumentación 100% electrónica cantada por tan só dúas voces. Unha soprano (Esperanza Mara), un barÃtono (Jacobo Rubianes Castelo), e un músico en escena (o propio compositor da ópera, Iago Hermo) serán os piares desta peza deseñada para chegar tanto aos grandes teatros como a aqueles espazos e vilas onde a ópera, quizais, nunca chegou. Xavier Castiñeira e Esther F. Carrodeguas guÃan a dirección escénica deste particular proxecto.
Papagena é unha produción para analizar e re-escribir esta personaxe dende unha mirada actual e en base a dun dos maiores procesos de avance polÃtico-social dos últimos tempos: a loita contra o sexismo. Os protagonistas entran nunha relación tóxica da cal Papagena se desprende durante a peza. O espectáculo vaise estrear o vindeiro 10 de setembro nas RuÃnas de Santo Domingo, en Pontevedra, grazas á Deputación de Pontevedra, que o levará despois a outros cinco concellos da provincia dentro do programa Con-Fiando Cultura. Pero antes diso, haberá un par de pases abertos a modo de pree-estrea os dÃas 2 e 3 de setembro na Sala Arcos Moldes do Auditorio Municipal do Concello de Rianxo, onde se está a ensaiar estes dÃas coa colaboración do municipio.
