Ignacio Vidal Portabales faise co premio García Barros de novela

Ignacio Vidal Portabales (Santiago, 1958) é o autor de As horas dunha illa remota, a novela coa que se fixo coa XXXIV edición do premio de novela Manuel García Barros, convoocado polo concello da Estrada e dotado con 9.000 euros e que editará a Editorial Galaxia. O xurado destacou da novela "o coidado na caracterización dos dous personaxes protagonistas, dúas irmás que viven as sombras dunha infancia difícil en Colombia que proxectan o seu ronsel no presente adulto de ambas na súa Galicia de orixe". A obra lévanos a unha "intensa prospección psicolóxica" das súas personaxes. Ignacio Vidal Portabales é profesor titular de Dereito Mercantil na Facultade de Ciencias Económicas e autor literario con varios premios no seu curriculum.