Máscaras rotas para Sebastian Nell é o título da obra coa que o xornalista e escritor Alberto Ramos se impuxo XXVI edición do premio de novela Manuel García Barros. A novela preséntase como a transcrición dunha entrevista ao actor Sebastian Nell por parte dunha xornalista na cal se percorre a historia do Reino Unido durante boa parte do século XX e se perfilam coidadosamente os personaxes. Ademais dos 9.000 euros con que está dotado o premio, Ramos verá publicada a súa obra o vindeiro outono da man de Galaxia.
En paralelo, onte coñecíase o fallo do xurado do Premio de Novela por Entregas de La Voz de Galicia. María Reimóndez alzouse co galardón, dotado con 6.000 euros coa súa obra A dúbida. O texto, que narra unha historia de sospeitas na que as acusacións de abusos sexuais se mesturan con intrigas políticas, poderá lerse dividido en 31 entregas no xornal.
