Anxos Sumai gaña o premio García Barros de novela

O xurado do premio de novela Manuel García Barros acordou o pasado venres premiar na súa 25 edición A lúa da colleita de Anxos Sumai. A escritora de Catoira leva 9.000 euros de premio e verá a súa obra, que se impuxo entre as vinte presentadas, publicada pola editorial Galaxia. Non foi este o único premio literario da fin de semana. Lidia Gómez Martínez fíxose co premio Biblos-Casa Grande do Bachao cun proxecto de novela ambientada na Compostela de finais do século XIX. A gañadora deberá agora desenvolver a súa historia, para o que contará co asesoramento de María Xosé Queizán.