María Rei Vilas Faise co García Barros cunha novela sobre a recuperación das orixes familiares

O venres fallouse o trixésimo primeira edición do Premio de Novela Manuel García Barros (Ken Keirades), convocado polo concello da Estrada. A gañadora foi a novela Flores de ferro de María Rei Vilas. Segundo o xurado, na novela "a protagonista, Camila, volve ás terras da infancia para pescudar nas orixes familiares e recuperar un período mediatizado polo pai. Alí ten que recompoñer a súa identidade, á vez que afronta desde o presente dos anos 80, a etapa da Guerra Civil. A orixinalidade radica tanto na estrutura narrativa ambiciosa que acompaña o crebacabezas persoal; coma na dosificación da intriga que anima a lectura. Así mesmo, destaca o protagonismo das mulleres como vítimas silenciadas, mais tamén como axentes que se enfrontan ao novo réxime". A edición 2020 do García Barros está dotado con 9.000 euros e a novela será editada o vindeiro outono na Editorial Galaxia.