O Premio Ourense de Banda Deseñada, que recoñece cada ano unha iniciativa ou persoeiro relevante da novena arte en Galicia foi neste 2003 para Pepe Carreiro. O debuxante e humorista gráfico ve recoñecida así unha ampla carreira que abrangue desde o humor gráfico en publicacións coma “Teima”, “A Nosa Terra” ou “La Codorniz” ata álbumes coma a “A retirada de Sir John Moore”, publicada por Xerais. Desde hai algo máis dun ano encárgase de realizar a revista infantil “Bule-Bule”, ademais da súa coñecida serie de contos para nenos “Os Bolechas”. A entrega do premio celebrarase no marco das XV Xornadas de Ourense de Banda Deseñada, que se desenvolverán entre o 3 e o 11 de outubro.
Máis información sobre as Xornadas de Ourense neste tema do día; os gañadores do certame de BD e a ficha de Pepe Carreiro no noso soportal
