Inaugúrase Leocho.gal, unha editorial de audiolibros en galego

Hoxe presentouse unha nova editorial especializada en audiolibros en lingua galega, leocho.gal. A editorial parte dun catálogo de dez audiolibros baseados en clásicos da poesía e da narrativa galega do século XIX ou inicios do XX, como as obras de Rosalía de Castro, Curros Enríquez, Amado Carballo, Eduardo Pondal, Antonio López Ferreiro ou Filomena Dato, entre outros, todos eles textos libres de dereitos de autor. Os audiolibros véndense para descarga en mp3 con prezos que oscilan entre os 6 e os 12 euros.