Un total de 14 proxectos presentados por cinco editoriais reparten 58.804,92 euros ao abeiro das axudas para a edición de audiolibros e libros en lectura fácil. A convocatoria da Consellería de Cultura contaba cun orzamento inicial de 150.000 euros, e aínda que a contía adxudicada só supón un 39,2% dos fondos dispoñibles, suma máis do dobre do que as axudas concedidas en 2023.
Ao contrario que na anterior convocatoria destas axudas, na que ficara deserta a categoría de audiolibros, nesta ocasión foron as axudas para obras de lectura fácil as que quedaron sen conceder. Os fondos para apoiar o lanzamento de audiolibros contaba nesta xeira cun orzamento de 75.000 euros.
Segundo a resolución publicada polo Diario Oficial de Galicia do pasado 14 de xuño, a firma Técnicas e Gramaxe é a que obtivo máis fondos desta convocatoria, cun total de 19.987,04 euros que destinará á realización dos audiolibros A matanza clandestina (4.961,12 euros), A lagoa máis fermosa de todas as lagoas (4.189,03), Loucine (3.783,45) e mais A comuna de Valdonelle, Gumes entre a néboa (3.526,72 euros cada un).
A seguir, Arraianos Producións sumou 15.000 euros para o lanzamento de versións sonoras dos títulos 90 anos nas ondas. Dos inicios da radio en Galicia aos nosos días, O Camiño de Ramón Chao. Tras as pegadas de Prisciliano e Xosé Velo sen fronteiras, que recibirán 5.000 euros cada un.
A editorial Guiverny, que reparte 9.699,32 euros entre as obras Dous nenos coma ti e O Parnaso sobre rodas, Galaxia que suma 9.118,56 para tres proxectos (Daniel no peirao, Hermelindo esbirra poemas e Ícaras), e mais Xerais, que investirá 5.000 euros destas axudas en Pel de cordeiro, completan as adxudicacións.
Ao contrario que na anterior convocatoria destas axudas, na que ficara deserta a categoría de audiolibros, nesta ocasión foron as axudas para obras de lectura fácil as que quedaron sen conceder. Os fondos para apoiar o lanzamento de audiolibros contaba nesta xeira cun orzamento de 75.000 euros.
Segundo a resolución publicada polo Diario Oficial de Galicia do pasado 14 de xuño, a firma Técnicas e Gramaxe é a que obtivo máis fondos desta convocatoria, cun total de 19.987,04 euros que destinará á realización dos audiolibros A matanza clandestina (4.961,12 euros), A lagoa máis fermosa de todas as lagoas (4.189,03), Loucine (3.783,45) e mais A comuna de Valdonelle, Gumes entre a néboa (3.526,72 euros cada un).
A seguir, Arraianos Producións sumou 15.000 euros para o lanzamento de versións sonoras dos títulos 90 anos nas ondas. Dos inicios da radio en Galicia aos nosos días, O Camiño de Ramón Chao. Tras as pegadas de Prisciliano e Xosé Velo sen fronteiras, que recibirán 5.000 euros cada un.
A editorial Guiverny, que reparte 9.699,32 euros entre as obras Dous nenos coma ti e O Parnaso sobre rodas, Galaxia que suma 9.118,56 para tres proxectos (Daniel no peirao, Hermelindo esbirra poemas e Ícaras), e mais Xerais, que investirá 5.000 euros destas axudas en Pel de cordeiro, completan as adxudicacións.
