O Concello de Santiago e a Editorial Kalandraka daban a coñecer este 29 de xuño o fallo do XV Premio Internacional Compostela para Álbums Ilustrados. A artista peruana Fabiola Anchorena foi a gañadora desta xeira co proxecto titulado Esperando el amanecer no que a autora denuncia a destrución ambiental da Amazonía. En total presentáronse ao certame máis de 200 obras de diferentes países.
Encol da obra, o fallo sinala que "destaca pola pertinencia e pola actualidade" do tema tratado, onde resoa a voz da Amazonía "como protesta ante a explotación e a conseguinte destrución do medio". A nivel artístico, o xurado salienta "a poética do texto xunto cola atmosfera emocional, acentuada polo tratamento da cor".
A historia, que narra a viaxe que os animais da selva emprenden para descubrir por que non se fai día, valeralle á autora un premio en metálico de 9.000 euros e a publicación do libro nas cinco linguas peninsulares.
O xurado estivo formado pola ilustradora e editora Marta Madureira; a editora e mediadora de lectura Piu Martínez; os ilustradores Xosé Cobas e Federico Delicado, gañador da sétima edición do Premio Compostela; a directora editorial de Kalandraka, Manuela Rodríguez; o edil de Educación do Concello de Santiago, Rubén Prol, e Beatriz Varela como secretaria.
Encol da obra, o fallo sinala que "destaca pola pertinencia e pola actualidade" do tema tratado, onde resoa a voz da Amazonía "como protesta ante a explotación e a conseguinte destrución do medio". A nivel artístico, o xurado salienta "a poética do texto xunto cola atmosfera emocional, acentuada polo tratamento da cor".
A historia, que narra a viaxe que os animais da selva emprenden para descubrir por que non se fai día, valeralle á autora un premio en metálico de 9.000 euros e a publicación do libro nas cinco linguas peninsulares.
O xurado estivo formado pola ilustradora e editora Marta Madureira; a editora e mediadora de lectura Piu Martínez; os ilustradores Xosé Cobas e Federico Delicado, gañador da sétima edición do Premio Compostela; a directora editorial de Kalandraka, Manuela Rodríguez; o edil de Educación do Concello de Santiago, Rubén Prol, e Beatriz Varela como secretaria.