Foto: Laura de Charo / Obaixoulla.gal
A Xunta declarou onte BIC o 'funicular de Valga', o sistema de transporte aéreo de materiais da compañía Novo y Sierra, que foi construído no lugar de Campaña do concello pontevedrés para conectar a mina Mercedes, a antiga fábrica de cerámica Novo y Sierra e o porto do río Ulla. Trátase, segundo a Xunta, do "único exemplo desta tipoloxía (a do transporte aéreo de materiais) que pode ser conservado, dunha tipoloxía industrial moi presente e relevante en Galicia, a da produción cerámica". O conxunto protexido comprende o tramo supervivinte de toda a instalación, entre a vía ferroviaria e o río Ulla, conformando sete torres (catro completas) e un embarcadoiro, e iniciouse a súa construción, con tecnoloxía alemá, en 1927. Con todo, a Xunta recoñece que o estado de conservación do conxunto é "moi precario".
