Orixinal e facsímile da novela. Fonte: RAG.
Os galardóns aos libros mellor editados en 2021 que outorga cada ano o Ministerio de Cultura recoñeceron un proxecto de Galaxia coa Real Academia Galega. A edición facsimilar da novela Maxina ou a filla espuria de Marcial Valladares recibiu o terceiro premio na categoría de facsímiles. A obra reproduce o manuscrito orixinal do autor conservado na RAG.
O volume publicado pola editorial Galaxia foi editado por Xesús Domínguez Dono, con maquetación Hayat Husein e prólogo de Xosé A. Fernández Salgado. A dixitalización do manuscrito foi realizada por Unayta e o proxecto contou co apoio da Consellería de Cultura. O xurado apuntou que a obra "recupera un texto poco coñecido na súa forma orixinal".
