A produtora cultural Eva Alonso
A produtora Eva Alonso, socia da empresa cultural Chiripa, será a nova directora de Culturgal, a Feira das Industrias Culturais. Alonso foi escollida trala convocatoria aberta para a "dirección artística" da feira anunciada pola asociación Culturgal en abril. A nova directora do evento é licenciada en Químicas e ten un mestrado en Produción e Xestión Audiovisual, e unha dilatada experiencia na produción de documentais, na produción teatral ou en eventos como o I Congreso Internacional de Teatro Galego.
