Laxe das Lebres. Foto: Federico de la Peña
Ao abeiro do Fondo de proxectos culturais Xacobeo publicouse recentemente no repositorio de contidos da Xunta o libro Escenarios da prehistoria. É a primeira publicación do coñecido naturalista e realizador audiovisual Federico de la Peña Santos que, neste caso, percorreu diferentes localizacións arqueolóxicas da provincia de Pontevedra para obter unhas coidadas fotos que dan conta da riqueza patrimonial deste territorio. A publicación divídese en cinco grandes escenarios: Paleolítico inferior, Mesolítico, Neolítico, Idade do Cobre e Bronce e o "mundo castrexo". O libro pódese descargar de balde.
