O xénero negro conflúe no Colón Noir

O xénero negro a través de diferentes formatos e linguaxes. A partir deste xoves 31, coa proxección de Fargo (1996), iníciase na Coruña "Colón Noir". Un ciclo de cine fórum, no que a proxección de destacados filmes de xénero negro como O carteiro sempre chama dúas veces (1981) o día 21 de abril, ou Plein soleil (1960) o 9 de xuño, irán acompañados ao final de debates con escritores galegos como Nieves Abarca, Diego Ameixeiras e Domingo Villar, respectivamente. As entradas para os filmes pódense adquirir en Ataquilla.com. O evento está coordinado por Javier Trigales e promovido polo concello coruñés.