As alboradas no ciclo festivo da invernía é o título da xornada que Orgullo Galego organiza este 17 de febreiro. A partir da 20:30 horas a canle de Twitch deste colectivo emitirá un encontro no que a música, a etnografía e a arqueoloxía atópanse arredor destas celebracións a súa vinculación coa época. A cita servirá de presentación de Solstício, tema no que Carlos Núñez e Baiuca colaboran a integrar unha alborada tradicional de Tras-os-Montes, en Portugal co son electrónico e os samplers.
Alén de falar do seu tema, o propio Núñez guiará o encontro no que, ademais de Baiuca, estarán presentes o antropólogo Rafa Quintía, que abordará os ritos e mascaradas da invernía e a musicóloga e a escritora Eva Moreda que analizará a música medieval e as alboradas.
Canda a eles, o arqueólogo e especialista en arte rupestre Manuel Santos falará sobre os vencellos da música con estes campos, o etnomusicólogo zamorano Alberto Jambrina explicará alboradas e os ritos de inverno nesta zona mentres o investigador da gaita trasmontana Jorge Lira fará o mesmo arredor desta área portuguesa.
