O CCG inicia o seu especial sobre Florencio Delgado Gurriarán

Hoxe principia o novo especial do Consello da Cultura Galega, dedicado ao Día das Letras Galegas 2022 e o autor homenaxeado este ano, Florencio Delgado Gurriarán. O especial contén unha biografía do autor valdeorrés, canda unha entrevista realizada en 1968 no programa Poetas de Galicia de Radio Nacional de España, dentro dun monográfico sobre a súa figura. Ademais, o especial permite achegarse á súa obra poética, publicada nas revistas culturais do exilio mexicano que el contribuiu a fundar e soster, como Vieiros e Saudade. Nos vindeiros meses, o Consello da Cultura Galega irá incorporando novos contidos ao especial.