Inauguración do mural de Diego As coa alcaldesa Lara Méndez e o concelleiro de Xuventude de Lugo, Mauricio Repetto
A plataforma Street Art Cities daba a coñecer na mañá deste 14 de febreiro fallo do seu certame para escoller o mellor traballo de arte urbana do mundo realizado en 2021. Logo dos máis de 60.000 votos recibidos a través das redes nesta convocatoria, o seleccionado foi o mural de Xulio César que o lucense Diego As realizou na Cidade da Muralla. A escolla realizouse entre cen traballos finalistas de todo o mundo, unha listaxe que incluía outras obras galegas executadas por Lula Goce, Mon Devane e Sokram. O mural de As xa fora escolleito na plataforma como mellor obra do pasado mes de agosto.
O galardón de Street Art Cities está convocado pola maior comunidade internacional de arte urbana e quere ser unha ferramenta para dar a coñecer esta disciplina e as persoas que a desenvolven.
