Mural As Mouras realizado por Wedo
As dúas lánguidas e mitolóxicas mouras recostadas contra a parede dun edificio de Fene son xa parte do olimpo internacional da arte urbana. O mural As Mouras, realizado polo artista coruñés Wedo Goás (Edgar Goás), foi escollido mellor mural do mundo na categoría Expert Spotlight 2025 que promove a plataforma Street Art Cities. A obra foi realizada durante o festival Perla Mural Fest 2025 en dous edificios da rúa Río Cádavo (Fene). As Mouras están inspiradas nas figuras da mitoloxía popular galega e o seu uso da música para encantar á xente.
