Migallas presenta 15 novos vídeos de Brincadeiras da lingua

Santiago de Compostela acollía este tres de febreiro a presentación da segunda serie de vídeos Brincadeiras da lingua. Este proxecto de Migallas Teatro, realizado co apoio do Fondo de Proxectos Culturais Xacobeo, suma quince novas pezas audiovisuais ás dez que xa se presentaran anterioremente. Nas mesmas, faise repaso, de xeito temático, de ditos e recitados infantís galegos con vistas a facilitar a transmisión familiar da lingua.

Os animais, o tempo cronolóxico, o meteorolóxico, a accións cotiás, ditos acumulativos, ditos de burlas ou os recitados vencellados a xogos protagonizan as gravacións desta segunda entrega. Os primeiros dez capítulos están dispoñibles íntegros na canle de Youtube de Migallas, e os seguintes iranse publicando cada xoves nas redes da Secretaría Xeral de Política Lingüística. A compilación de ditos que realizou migallas pode atoparse completa no web Orellapendella.

Brincadeiras da lingua 1


Primeiro vídeo de Brincadeiras da lingua 2