A Muiñeira do Camiño de Inverno na Praza da Quintana.
Ao abeiro do Fondo de proxectos culturais en lingua galega Xacobeo 2021-2022 Javier Blanco Carballal acaba de presentar a webserie A paso de muiñeira polo Camiño de Inverno. O proxecto, que se pode ver no web da Secretaría Xeral de Política Lingüística repasa en oito capítulos a saúde da cultura e do folclore nas diferentes etapas desta ruta xacobea.
O eixe da obra é a recollida de puntos de baile tradicional mediante entrevistas con informantes de cada unha das zonas polas que pasa o camiño. Con este material, na chegada á Praza da Quintana preséntase a coreografía da Muiñeira do Camiño de Inverno, elaborada a partir das pezas recollidas.
