Na rede un completo Atlas de Europa en galego

A Secretaría Xeral de Política Lingüística puxo na rede o Atlas de Europa editado por Andavira Editora e escrito por Xosé Carlos Macía Arce e Francisco Xosé Armas Quintá. O amplo atlas, de interese a o alumnado de primaria e secundaria de Galicia, aborda a xeografía política, humana, económica e social do continente. O amplo conxunto de mapas achega unha variedade de información ao redor da estrutura de poboación, a educación, a sanidade ou o transporte. O Atlas é descargable de xeito gratuíto desde o web da Secretaría Xeral de Política Lingüística, xa que foi financiado polo Fondo de Proxectos Culturais en Lingua galega Xacobeo 2021-2022.