Un informe municipal sobre as visitas aos museos de Vigo apunta que as visitas a estes centros durante 2021 duplicaron as que se realizaron no ano anterior. En total foron 120.664 as entradas aos museos municipais durante o pasado ano fronte ás 69.520 de 2020. Aínda que os datos dese ano supuxeron un descenso acusado por mor da pandemia, as cifras de 2021 seguen a ser inferiores ás de 2019, cando os rexistros eran de 265.624.
Segundo recolle La Voz de Galicia nunha nova este 28 de xaneiro, ningún dos oito espazos, sete municipais e un autonómico, chega a reunir máis de cen visitantes ao día. Á cabeza das visitas está a Casa da Artes, aínda que das 57.000 visitas que tivo unhas 45.000 foron en decembro, a coincidir coa exposición anual do Belén Monumental da cidade.
O MARCO, con 86 visitas ao día e o Museo do Mar (de titularidade autonómica), con 80, son os seguintes que contan máis entradas. A Pinacoteca Fernández del Riego, con case oito visitas diarias, o Verbum, que non chega ás dez, están entre os centros menos visitados da cidade.
Segundo recolle La Voz de Galicia nunha nova este 28 de xaneiro, ningún dos oito espazos, sete municipais e un autonómico, chega a reunir máis de cen visitantes ao día. Á cabeza das visitas está a Casa da Artes, aínda que das 57.000 visitas que tivo unhas 45.000 foron en decembro, a coincidir coa exposición anual do Belén Monumental da cidade.
O MARCO, con 86 visitas ao día e o Museo do Mar (de titularidade autonómica), con 80, son os seguintes que contan máis entradas. A Pinacoteca Fernández del Riego, con case oito visitas diarias, o Verbum, que non chega ás dez, están entre os centros menos visitados da cidade.
