Lionel Rexes alzouse esta semana como gañador da XXVIIIª Edición do Premio Lueiro Rey de Novela Curta do Concello de O Grove. O lucense recunca gañador cinco anos despois neste certame do que xa foi galardoado na XXIIIª edición en 2017 por ' A raíña das velutinas'. A obra 'A montaña do poeta' foi a elixida nesta ocasión por un xurado conformado por Antonio Piñeiro; Ánxela Gracian; Armando Requeixo; Carmen Ferreira e Héctor Cajaraville. O relato , situado en Alfoz, onde reside o escritor nado en París en 1971, basease nunha historia real do pasado relacionada coa casa do poeta Noriega Varela para crear unha narración actual. O premio supón tres mil euros e a publicación da obra en Xerais.
