O Festival Intersección dá a coñecer o palmarés da súa IV edición

O Festival de Arte Audiovisual Contemporánea Intersección daba a coñecer este sábado 31 de outubro o palmarés da súa IV edición. Nos galardóns, o Premio da Asociación Sindical Galega de Guionistas, foi para Judith Adataberna, pola súa obra Memoria de Emerxencia. O xurado destacou o seu xeito de "abordar o minifundismo como herdanza do que somos, a través dunha proposta narrativa chea de sentimento e verdade". Na sección escolas, pola súa banba, o premio foi para Leite. Sangue. de Laura MS, "pola súa capacidade de articular un relato propio a partir dun material videográfico doméstico preexistente".

Na sección Galicia, o xurado destacou "a calidade das obras e a disparidade e diferencia de valoracións dentro da mesma ante a riqueza de miradas, concepcións e perspectivas da creación audiovisual galega". Nesta categoría Carme Nogueira levou o premio Colectiva pola obra Tenerife, Alejandra Pombo alzouse co Premio NUMAX á exhibición con MIMIC THIS e Ruth Montiel Arias levou o premio do público con Deeper. Santiago Talavera que obtivo con Hauntopolis, co Premio Contemporánea e Sabela Eiriz que con Veo, veo obtivo o Premio Xurado Novo, completaron o palmarés neste apartado.

Lúa Gándara e o seu Ahora lo entiendo todo foi recoñecida co premio Contemporánea pola súa "capacidade lúdica e interactiva da divertidísima proposta da artista, por situarse a medio camiño entre a exposición e o ensaio sobre a obra pictórica propia". Finalmente, na categoría de Planetario foron galardoados ARCAAN Colective pola obra Emersive co Premio do Público, e Sergey Prokofyev co Premio Xurado Novo por Urban Levitation.