Fondo: Consello da Cultura Galega. Arquivo da Emigración Galega. Col. particular de Manuel Bemposta Porto
Estes días a emigración galega a Europa está de actualidade coa concesión do Premio Nacional de Narrativa a Xesús Fraga pola súa novela Virtudes (e misterios). Desta volta, o Arquivo da Emigración Galega publicou no web do Consello da Cultura unha nova entrega das Historias de ida e volta dedicada á emigración galega a Europa. No especial pódense ver interesantes fotos e documentos que amosan os traballos, a vida cotiá e os encontros sociais dos emigrantes galegos en países coma o Reino Unido, Alemaña, Suíza. O especial inclúe facsímiles dixitais das guías para emigrantes en Francia ou Alemaña, permisos de traballo ou de condución.
