Eduardo Pardo de Guevara recibe o premio Menéndez Pidal de Historia

O historiador Eduardo Pardo de Guevara Y Valdés recibiu hoxe o Premio Menéndez Pidal, que concede a Confédération International de Généalogie et d’Héráldique e que se entregou hoxe pola mañá na apertura do XXXIV Congreso Internacional de Xenealoxía e Heráldica, que se celebra na sede do Arquivo Histórico Nacional en Madrid. Dase a circunstancia de que Pardo de Guevara foi discípulo de Faustino Menéndez Pidal. O historiador galego está especializado na historia da Baixa Idade Media e na historia social e política dos grupos de poder en Galicia. Complementa este coñecemento cos estudos de heráldica e xenealoxía medieval.