Olga Cameselle gaña o premio a mellor actriz en Estambul por'Serva me servabo te'

O paso da produción 'Serva me servabo te' do Centro Dramático Galego polo Festival Internacional de Teatro de Maltepe, en Istambul, acadou un triunfo a través do premio á mellor actriz para Olga Cameselle. O pasado sábado o espectáculo da compañía pública participaba neste encontro internacional en Turquía no que o xurado recoñecía deste xeito o traballo da actriz e bailarina. A produción do CDG, dirixida e creada por Belén Bouzas, Diego M. Buceta e Fran Martínez aínda volverá ás táboas galegas nesta vindeira fin de semana con dúas funcións de despedida na sede do Centro, no Salón Teatro de Santiago de Compostela.